எட்டாவது ஊதியக் குழு அமைக்கும் பணிகள் தொடங்கினாலும், அது அமலுக்கு வருவதில் தாமதம் ஏற்படலாம் என எதிர்பார்க்கப்படுகிறது. 2025 நவம்பரில் அறிவிப்பு வெளியான நிலையில், பரிந்துரைகளை சமர்ப்பிக்க 2027 வரை கால அவகாசம் தேவைப்படலாம். இதனால் புதிய ஊதிய உயர்வு 2028-ல் மட்டுமே அமலுக்கு வர வாய்ப்புள்ளது. தற்போது குறைந்தபட்ச மற்றும் அதிகபட்ச ஊதியத்திற்கு இடையிலான இடைவெளியைக் குறைக்க தொழிற்சங்கங்கள் வலியுறுத்தி வருகின்றன.

1946-ல் வெறும் 55 ரூபாயாக இருந்த குறைந்தபட்ச ஊதியம், ஏழாவது ஊதியக் குழுவில் 18,000 ரூபாயாக உயர்ந்துள்ளது. அதேபோல் அதிகபட்ச ஊதியம் 2,50,000 ரூபாயாக நிர்ணயிக்கப்பட்டுள்ளது. ஒவ்வொரு ஊதியக் குழுவும் அரசு ஊழியர்களின் வாழ்வாதாரத்தை மேம்படுத்தியுள்ளன. தற்போது நிலவும் ஊதிய முரண்பாடுகளைக் களைவதே இந்த புதிய குழுவின் முக்கிய நோக்கமாக இருக்கும் என்று எதிர்பார்க்கப்படுகிறது.