முன்னாள் முதல்வர் ஓ. பன்னீர்செல்வம் எடப்பாடி பழனிசாமியை கடுமையாக விமர்சித்துள்ளார். ஊர்ந்து சென்று பதவியைப் பெற்றுவிட்டு, தனக்கு பதவி கொடுத்தவருக்கே அவர் துரோகம் செய்துவிட்டதாகத் தென்காசி கூட்டத்தில் ஓபிஎஸ் பேசினார். தன்னைத் தானே பொதுச்செயலாளராக நியமித்துக்கொண்ட இபிஎஸ் தலைமையில் அதிமுக தொடர்ச்சியாக பத்துத் தேர்தல்களில் தோல்வியைச் சந்தித்துள்ளதாகவும் அவர் சுட்டிக்காட்டினார்.

பதவிக்காக எதையும் செய்யும் குணமுடைய இபிஎஸ்ஸை மக்கள் ஒருபோதும் ஏற்றுக்கொள்ள மாட்டார்கள் என்று ஓபிஎஸ் கூறினார். ஜெயலலிதாவின் கொள்கைகளுக்கு எதிராகச் செயல்படும் இபிஎஸ்ஸின் பொய்யான வாக்குறுதிகளை மக்கள் நம்பத் தயாராக இல்லை என்றும், வரும் தேர்தலில் துரோகம் செய்தவர்களுக்குத் தமிழக மக்கள் தகுந்த பாடம் புகட்டுவார்கள் என்றும் அவர் தனது உரையில் திட்டவட்டமாகத் தெரிவித்தார்.