தாய்லாந்தின் பாங்காக் நகரில் நடைபெற்று வரும் உலக குத்துச்சண்டை ஃபியூச்சர்ஸ் கோப்பையில் இந்திய வீரர்கள் மற்றும் வீராங்கனைகள் அபாரமான திறமையை வெளிப்படுத்தியுள்ளனர். ஆடவர் பிரிவில் கஞ்சன், ஜெயஸ்ரீ தேவி மற்றும் அம்பேத்கர் மீட்டி ஆகியோர் தங்களது பிரிவுகளில் காலிறுதி ஆட்டங்களில் வெற்றி பெற்று அரையிறுதிக்கு முன்னேறியுள்ளனர். இதன் மூலம் இந்தியாவுக்கு பதக்கங்கள் கிடைப்பது தற்போது உறுதியாகியுள்ளது.

மகளிர் பிரிவில் சந்திரிகா புஜாரி மற்றும் ராதாமணி லாங்ஜம் ஆகியோர் சிறப்பான வெற்றியைப் பதிவு செய்துள்ளனர். குறிப்பாக ராதாமணி இங்கிலாந்து வீராங்கனையை 4-1 என்ற கணக்கில் வீழ்த்தி அரையிறுதி வாய்ப்பை உறுதி செய்தார். இந்த தொடரில் இதுவரை ஐந்து இந்திய வீரர்கள் அரையிறுதிக்கு தகுதி பெற்றதன் மூலம் குறைந்தது ஐந்து பதக்கங்களை இந்தியா வெல்வது தற்போது உறுதியாகி உள்ளது.