எல்பிஜி சிலிண்டர்களுக்கு மாற்றாக பிஎன்ஜி எனப்படும் குழாய் வழி எரிவாயு பயன்பாடு தற்போது அதிகரித்து வருகிறது. பாதுகாப்பான மற்றும் சிக்கனமான இந்த வசதி உங்கள் பகுதியில் உள்ளதா என்பதை அறிவது அவசியம். உலகளாவிய எரிவாயு விநியோக மாற்றங்களால், அரசு இப்போது பிஎன்ஜி இணைப்புகளுக்கு முன்னுரிமை அளித்து வருகிறது. இதன் மூலம் சிலிண்டர் முன்பதிவு செய்யும் சுமையும் குறையும்.

ஸ்மார்ட்போன் செயலிகள் அல்லது எரிவாயு நிறுவனங்களின் இணையதளங்கள் வாயிலாக உங்கள் பகுதி பின்கோடு மற்றும் முகவரியை உள்ளிட்டு பிஎன்ஜி வசதியை சரிபார்க்கலாம். டெல்லி, மும்பை போன்ற நகரங்களில் உள்ளவர்கள் அந்தந்த நிறுவன இணையதளத்தில் எளிதாக விண்ணப்பிக்க முடியும். உங்கள் பகுதியில் சேவை இருந்தால், ஆன்லைன் மூலமாகவே புதிய இணைப்புக்கு விண்ணப்பித்து, சரிபார்ப்புக்குப் பின் குழாய் அமைக்கும் பணிகளைத் தொடங்கலாம்.