புத்தாண்டு தொடக்கத்தில் பல வங்கிகள் நிலையான வைப்பு நிதி அதாவது எஃப்டி மீதான வட்டி விகிதத்தைக் குறைத்துள்ளன. இருப்பினும் சூரியோதய் ஸ்மால் ஃபைனான்ஸ் வங்கி மூத்த குடிமக்களுக்கு அதிகபட்சமாக 8 சதவீத வட்டியை வழங்குகிறது. ஜனா மற்றும் உஜ்ஜீவன் ஸ்மால் ஃபைனான்ஸ் வங்கிகள் 7.70 சதவீதத்திற்கு மேல் வட்டியை அளிக்கின்றன. தனியார் துறையில் ஐடிஎஃப்சி ஃபர்ஸ்ட் மற்றும் யெஸ் வங்கி 7.50 சதவீத வட்டியையும் ஆக்சிஸ் வங்கி 7.20 சதவீத வட்டியையும் வழங்குகின்றன.

பொதுத்துறை வங்கிகளில் எஸ்பிஐ 7.05 சதவீத வட்டியுடன் முன்னிலையில் உள்ளது. ஹெச்டிஎஃப்சி மற்றும் ஐசிஐசிஐ வங்கிகள் 6.90 முதல் 7.10 சதவீதம் வரை லாபம் தருகின்றன. முதலீடு செய்யும் போது வட்டி விகிதத்தை மட்டும் பார்க்காமல் பாதுகாப்பையும் கருத்தில் கொள்ள வேண்டும். ஸ்மால் ஃபைனான்ஸ் வங்கிகளில் 5 லட்சம் ரூபாய் வரையிலான வைப்புத்தொகைக்கு காப்பீடு பாதுகாப்பு உள்ளதால் மக்கள் தங்கள் தேவைகளுக்கு ஏற்ப திட்டமிட்டு முதலீடு செய்வது அவசியமாகும்.