ஈரான் மற்றும் இஸ்ரேல் இடையிலான போர் 10 நாட்களை எட்டியுள்ள நிலையில் உயிரிழப்புகள் பெரும் அதிர்ச்சியை ஏற்படுத்தியுள்ளன. அமெரிக்கா மற்றும் இஸ்ரேல் நடத்திய தாக்குதல்களில் இதுவரை 1,255 பேர் உயிரிழந்துள்ளதாக ஈரான் சுகாதார அமைச்சகம் தெரிவித்துள்ளது. இதில் 200 குழந்தைகள் மற்றும் 11 சுகாதாரப் பணியாளர்கள் அடங்குவர். மேலும் 12,000-க்கும் மேற்பட்டோர் காயமடைந்துள்ள நிலையில் 29 மருத்துவமனைகள் கடுமையாக சேதமடைந்து சுகாதாரக் கட்டமைப்பு முடங்கியுள்ளது.

கடந்த சனிக்கிழமை ஈரான் எண்ணெய் கிடங்குகள் மீது இஸ்ரேல் நடத்திய தாக்குதலால் தலைநகர் முழுவதும் கரும்புகை சூழ்ந்து சுற்றுச்சூழல் பாதிப்பு ஏற்பட்டுள்ளது. பிப்ரவரி 28 முதல் சுமார் 200 நகரங்கள் இலக்கு வைக்கப்பட்டுள்ள நிலையில் உயிரிழந்தவர்களில் பெரும்பாலானோர் பொதுமக்கள் என்று தெரிவிக்கப்பட்டுள்ளது. இந்த போர் மேலும் ஒரு மாதம் நீடிக்கக்கூடும் என்பதால் தெஹ்ரான் மற்றும் கோம் பகுதிகளில் இன்றும் குண்டுவெடிப்புகள் தொடர்வதால் பதற்றம் நீடிக்கிறது.