மத்திய கிழக்கில் நிலவும் ஈரான் போர் பதற்றத்தால் ஏற்பட்டுள்ள உலகளாவிய எரிசக்தி நெருக்கடியைக் கையாள வங்கதேச அரசு அதிரடி நடவடிக்கைகளை மேற்கொண்டுள்ளது. மின்சாரம் மற்றும் எரிபொருளைச் சேமிக்கும் நோக்கில், நாட்டின் அனைத்து பொது மற்றும் தனியார் பல்கலைக்கழகங்களையும் திங்கட்கிழமை முதல் மூட உத்தரவிடப்பட்டுள்ளது. இதன் மூலம் புனித ஈகைத் திருநாள் விடுமுறை முன்கூட்டியே தொடங்குகிறது. கல்வி நிறுவனங்களில் மின் நுகர்வைக் குறைப்பதோடு மட்டுமல்லாமல், போக்குவரத்து நெரிசலைக் கட்டுப்படுத்தி எரிபொருள் விரயத்தைத் தடுக்கவும் இந்த முடிவு எடுக்கப்பட்டுள்ளது.

தனது எரிசக்தி தேவையில் 95 சதவீதத்தை இறக்குமதியைச் சார்ந்தே பூர்த்தி செய்யும் வங்கதேசம், தற்போது கடுமையான எரிவாயு தட்டுப்பாட்டைச் சந்தித்து வருகிறது. இதனால் ஐந்து அரசு உரத் தொழிற்சாலைகளில் நான்கு மூடப்பட்டு, அங்கிருந்த எரிவாயு மின் உற்பத்தி நிலையங்களுக்குத் திருப்பி விடப்பட்டுள்ளது. வெளிநாட்டுப் பள்ளிகள் மற்றும் பயிற்சி மையங்களும் இந்த காலத்தில் செயல்பாடுகளைக் குறைத்துக்கொள்ள அறிவுறுத்தப்பட்டுள்ளன. மின்வெட்டைத் தவிர்க்கவும், மின் விநியோகத்தில் ஸ்திரத்தன்மையை உறுதி செய்யவும் எரிசக்தி அமைச்சகம் இத்தகைய சிக்கன நடவடிக்கைகளைத் தீவிரப்படுத்தியுள்ளது.