ஐபிஎல் தொடர் தொடங்குவதற்கு முன்பே ராயல் சேலஞ்சர்ஸ் பெங்களூரு மற்றும் ராஜஸ்தான் ராயல்ஸ் அணிகள் புதிய உரிமையாளர்களைப் பெற்றுள்ளன. ஆதித்ய பிர்லா குழுமம் மற்றும் கால் சோமானி தலைமையிலான குழுக்கள் இணைந்து சுமார் ரூ. 31,000 கோடிக்கு இவ்விரு அணிகளையும் வாங்கியுள்ளன. பிசிசிஐ விதிகளின்படி, உரிமையாளர் மாற்றத்திற்கான 5 சதவீத பரிமாற்றக் கட்டணமாக இந்திய கிரிக்கெட் வாரியத்திற்கு சுமார் ரூ. 1550 கோடி வருவாய் கிடைத்துள்ளது.

பெங்களூரு அணியின் புதிய தலைவராக ஆர்யமன் விக்ரம் பிர்லா பொறுப்பேற்கிறார். ஆதித்ய பிர்லா குழுமம், டேவிட் பிளிட்சர் மற்றும் பிளாக்ஸ்டோன் கூட்டணி ரூ. 16,706 கோடிக்கு ஆர்சிபி அணியை வாங்கியுள்ள போதிலும், அணியின் பெயர் மாறாது என்று அனன்யா பிர்லா உறுதிப்படுத்தியுள்ளார். உரிமையாளர் மாற்றம் நிகழ்ந்தாலும் விராட் கோலி விளையாடும் பெங்களூரு அணியின் அதே பழைய பெயரே நீடிக்கும் என்பது ரசிகர்களுக்கு நிம்மதியளிக்கும் செய்தியாக அமைந்துள்ளது.