மத்திய உள்துறை அமைச்சகத்தின் புதிய உத்தரவின்படி, இனி அனைத்து அரசு விழாக்களிலும் தேசிய கீதத்திற்கு முன்பாக ‘வந்தே மாதரம்’ பாடுவது கட்டாயமாக்கப்பட்டுள்ளது. பங்கிம் சந்திர சட்டோபாத்யாயின் படைப்பின் 150-வது ஆண்டைக் குறிக்கும் வகையில் எடுக்கப்பட்டுள்ள இந்த முடிவின்படி, பாடலின் ஆறு சரணங்களையும் 3 நிமிடம் 10 வினாடிகளுக்குள் பாடி முடிக்க வேண்டும். கொடியேற்றம் முதல் குடியரசுத் தலைவர் உரை வரை அனைத்து நிகழ்வுகளிலும் இந்த விதிமுறை பொருந்தும்.

இந்த அறிவிப்பு அரசியல் வட்டாரத்தில் பெரும் விவாதத்தை ஏற்படுத்தியுள்ளது. வரவிருக்கும் தேர்தலை மனதில் வைத்தே இந்த நடவடிக்கை எடுக்கப்பட்டுள்ளதாக திரிணாமுல் காங்கிரஸ் மற்றும் காங்கிரஸ் கட்சிகள் குற்றம் சாட்டியுள்ளன. ஆனால், தேசியப் பாடலுக்கு உரிய மரியாதையை அளிப்பதே இதன் நோக்கம் என்றும், இதில் அரசியல் ஏதுமில்லை என்றும் பாஜக தரப்பில் விளக்கம் அளிக்கப்பட்டுள்ளது.