சுமார் 50 ஆண்டுகளுக்குப் பிறகு அமெரிக்காவின் டெக்சாஸ் மாகாணத்தில் ஒரு புதிய எண்ணெய் சுத்திகரிப்பு நிலையம் அமைய உள்ளது. 300 பில்லியன் டாலர் மதிப்பிலான இந்த வரலாற்றுச் சிறப்புமிக்க திட்டத்தில் இந்தியாவின் ரிலையன்ஸ் இண்டஸ்ட்ரீஸ் முதலீடு செய்கிறது. இதனை அமெரிக்க வரலாற்றின் மிகப்பெரிய ஒப்பந்தம் என்று குறிப்பிட்ட அதிபர் டொனால்ட் ட்ரம்ப், முகேஷ் அம்பானிக்கு தனது நன்றியைத் தெரிவித்துள்ளார்.

மத்திய கிழக்கு நாடுகளில் நிலவும் பதற்றமான சூழலில், அமெரிக்காவின் எரிசக்தி பாதுகாப்பை உறுதி செய்ய இந்தத் திட்டம் உதவும். ‘அமெரிக்கா ஃபர்ஸ்ட்’ கொள்கையின் கீழ் வழங்கப்படும் வரிச்லுகைகள் இந்த முதலீட்டைச் சாத்தியமாக்கியுள்ளன. ரிலையன்ஸ் நிறுவனத்தின் இந்தப் பங்களிப்பு இரு நாடுகளுக்கு இடையிலான வர்த்தக உறவை அடுத்த கட்டத்திற்கு எடுத்துச் செல்லும் என்று வெள்ளை மாளிகை தெரிவித்துள்ளது.