ఐపీఎల్ 2026 వేలం ముగిసిన వెంటనే కోల్‌కతా నైట్ రైడర్స్ గురించి ఒక సంచలన వార్త బయటకు వచ్చింది. మూడుసార్లు ఛాంపియన్‌గా నిలిచిన కేకేఆర్ వాటాలను విక్రయించేందుకు సన్నాహాలు జరుగుతున్నాయి. ఆర్సీబీ, రాజస్థాన్ రాయల్స్ తర్వాత ఈ జాబితాలో కోల్‌కతా మూడవ ఫ్రాంచైజీగా చేరింది.

మెహతా గ్రూప్ తన స్వల్ప వాటాను విక్రయించాలని భావిస్తున్నట్లు సమాచారం. అయితే, దీనివల్ల షారుఖ్ ఖాన్‌కు చెందిన రెడ్ చిల్లీస్ ఎంటర్‌టైన్‌మెంట్ యాజమాన్య నియంత్రణపై ఎలాంటి ప్రభావం ఉండదు. ఈ ప్రక్రియ 2026 నాటికి పూర్తయ్యే అవకాశం ఉంది.