கச்சா எண்ணெய் போக்குவரத்து பாதையான ஹர்முஸ் நீரிணையில் ஈரான் ஆயிரக்கணக்கான நவீன கண்ணிவெடிகளை இறக்கியுள்ளதாக ‘வால் ஸ்ட்ரீட் ஜர்னல்’ எச்சரித்துள்ளது. சுமார் 2000 முதல் 6000 வரையிலான இந்த கண்ணிவெடிகளால் அந்த பகுதி மரண பள்ளத்தாக்காக மாறியுள்ளது. இதன் மூலம் சர்வதேச நாடுகளுக்கு செல்லும் எரிபொருள் விநியோகத்தை முழுமையாக முடக்க ஈரான் திட்டமிட்டுள்ளது, இது உலக பொருளாதாரத்தில் பெரும் தாக்கத்தை ஏற்படுத்தும்.

பெட்ரோல் விலையை பாதியாக குறைப்பதாக வாக்குறுதி அளித்த அதிபர் டொனால்ட் ட்ரம்பிற்கு இந்த சூழல் கடும் நெருக்கடியை ஏற்படுத்தியுள்ளது. அமெரிக்கா எச்சரிக்கை விடுத்தும் ஈரான் பின்வாங்காத நிலையில், எரிபொருள் தட்டுப்பாடு ஏற்படும் அபாயம் உருவாகியுள்ளது. இந்த விவகாரம் தணிந்து போகாவிட்டால், உலகம் முழுவதும் பெட்ரோல் மற்றும் டீசல் விலையில் மிகப்பெரிய ஏற்றம் ஏற்படும் என அரசியல் விமர்சகர்கள் கணித்துள்ளனர்.