வங்கதேசத்தின் 13-வது நாடாளுமன்றத் தேர்தலில் பிஎன்பி கட்சி அமோக வெற்றி பெற்றதையடுத்து பாகிஸ்தானும் சீனாவும் தாரிக் ரஹ்மானுக்கு வாழ்த்து தெரிவித்துள்ளன. பாகிஸ்தான் பிரதமர் ஷேபாஸ் ஷெரீப் மற்றும் அதிபர் ஆசிப் அலி சர்தாரி ஆகியோர் இருதரப்பு உறவுகள் மற்றும் வர்த்தகத்தை வலுப்படுத்த அழைப்பு விடுத்துள்ளனர். நீண்ட இடைவெளிக்குப் பிறகு டாக்கா-கராச்சி விமான சேவை தொடங்கும் சூழலில் இந்த ராஜதந்திர நகர்வு முக்கியத்துவம் பெறுகிறது.

மறுபுறம் சீன தூதரகம் புதிய அரசாங்கத்துடன் உள்கட்டமைப்பு மற்றும் பொருளாதார ஒத்துழைப்பைத் தொடங்க ஆர்வம் காட்டியுள்ளது. ஷேக் ஹசீனாவின் கட்சி இல்லாத நிலையில் நடைபெற்ற இந்தத் தேர்தலில் இந்தியா உள்ளிட்ட நாடுகளும் வாழ்த்து தெரிவித்துள்ளன. இந்த ஆட்சி மாற்றம் தெற்காசிய அரசியலில் புதிய மாற்றங்களை ஏற்படுத்தும் என எதிர்பார்க்கப்படுகிறது.