சென்னை மாநகர போக்குவரத்து கழகம் பொதுமக்களின் வசதிக்காக ‘கோல்டன் ரத’ எனப்படும் அதிநவீன பிரீமியம் ஏசி பேருந்துகளை அறிமுகப்படுத்தியுள்ளது. லண்டன் மற்றும் சிங்கப்பூர் போன்ற உலகத்தரம் வாய்ந்த நகரங்களில் உள்ளது போன்ற இந்த பேருந்துகள், முற்றிலும் குளிர்சாதன வசதி கொண்டவை. இதில் சிசிடிவி கேமராக்கள், சொகுசு இருக்கைகள், யுஎஸ்பி சார்ஜிங் வசதி மற்றும் இலவச வைஃபை போன்ற வசதிகள் உள்ளன. மேலும், மாற்றுத்திறனாளிகள் எளிதாகப் பயன்படுத்தும் வகையில் பிரத்யேக வசதிகளும் இதில் செய்யப்பட்டுள்ளன.

இந்த பேருந்துகளின் முக்கிய அம்சம் இதில் கண்டக்டர்கள் கிடையாது என்பதாகும். பயணிகள் ‘சென்னை ஒன்’ செயலி மூலம் முன்பதிவு செய்து பயணிக்கலாம். முதற்கட்டமாக கோயம்பேடு – சிறுசேரி ஐடி பார்க் மற்றும் திருவான்மியூர் – தாம்பரம் ஆகிய ஐடி நிறுவனங்கள் நிறைந்த வழித்தடங்களில் இவை இயக்கப்படுகின்றன. குறைந்தபட்ச கட்டணம் ரூ. 50 ஆகவும், அதிகபட்ச கட்டணம் ரூ. 150 ஆகவும் நிர்ணயிக்கப்பட்டுள்ளது. இந்த நவீன முயற்சி சென்னை பயணிகளுக்கு ஒரு புதிய மற்றும் பாதுகாப்பான பயண அனுபவத்தை வழங்கும்.