நாடியாவின் தாஹெர்பூரில் பிரதமர் நரேந்திர மோடியின் பொதுக்கூட்டத்தில் பங்கேற்க வந்த மூன்று பேர் ரயில் மோதி பரிதாபமாக உயிரிழந்தனர். சனிக்கிழமை காலை ரயில் தண்டவாளம் அருகே சென்றபோது இந்த கோர விபத்து நிகழ்ந்தது. உயிரிழந்தவர்கள் முர்ஷிதாபாத் மாவட்டத்தைச் சேர்ந்த ரமா பிரசாத் கோஷ், முக்திபாத சூத்ரதர் மற்றும் கோபிநாத் தாஸ் என அடையாளம் காணப்பட்டுள்ளனர்.

இந்த விபத்தில் மேலும் ஒருவர் படுகாயமடைந்து மருத்துவமனையில் அனுமதிக்கப்பட்டுள்ளார். கிருஷ்ணாநகர் ஜிஆர்பி போலீசார் உடல்களைக் கைப்பற்றி விசாரணை நடத்தி வருகின்றனர். பிரதமரின் கூட்டத்திற்கு முன்னதாக நடந்த இந்த துயர சம்பவம் அப்பகுதியில் பெரும் சோகத்தை ஏற்படுத்தியுள்ளது.