தெற்கு மெக்சிகோவின் ஓக்ஸாகா பகுதியில் சுமார் 250 பயணிகளுடன் சென்ற பயணிகள் ரயில் தடம் புரண்டு பெரும் விபத்துக்குள்ளானது. ஓக்ஸாகா மற்றும் வேராக்ரூஸ் மாநிலங்களை இணைக்கும் ரயில் பாதையில் நிகழ்ந்த இந்த சோகமான சம்பவத்தில் 13 பேர் உயிரிழந்துள்ளனர் மற்றும் 98 பேர் காயமடைந்துள்ளனர். மெக்சிகன் கடற்படை வெளியிட்டுள்ள அறிக்கையின்படி, நிஜாண்டா நகருக்கு அருகே உள்ள வளைவில் ரயில் திரும்ப முயன்றபோது இந்த விபத்து ஏற்பட்டுள்ளது.

இந்த விபத்தினால் பசிபிக் பெருங்கடல் மற்றும் மெக்சிகோ வளைகுடாவை இணைக்கும் முக்கிய ரயில் போக்குவரத்து பாதிக்கப்பட்டுள்ளது. விபத்து நடந்த இடத்தில் மீட்புப் பணிகள் தீவிரமாக நடைபெற்று வரும் நிலையில், காயமடைந்தவர்கள் சிகிச்சைக்காக அருகில் உள்ள மருத்துவமனைகளில் அனுமதிக்கப்பட்டுள்ளனர். அதிபர் கிளாடியா ஷீன்பாம் இந்த உயிரிழப்புகளுக்கு ஆழ்ந்த இரங்கல் தெரிவித்ததுடன், பாதிக்கப்பட்டவர்களுக்குத் தேவையான அனைத்து உதவிகளையும் செய்ய உத்தரவிட்டுள்ளார்.