மத்தியப் பிரதேச மாநிலம் ஷாஜாப்பூர் மாவட்டத்தைச் சேர்ந்த நாராயண் சிங் ரத்தோர், மறைந்த தனது மனைவி கீதா பாயின் நினைவாக ஒரு கோவிலைக் கட்டி அனைவரையும் நெகிழ்ச்சியில் ஆழ்த்தியுள்ளார். கடந்த 2021-ம் ஆண்டு கொரோனா இரண்டாம் அலையின் போது உயிரிழந்த மனைவியின் பிரிவைத் தாங்க முடியாமல், அவரது மூன்று அடி உயரச் சிலையை இந்த கோவிலில் நிறுவியுள்ளார். ராஜஸ்தான் கலைஞர்களால் செதுக்கப்பட்ட இந்தச் சிலை, தங்கள் குடும்பத்தின் ஒரு அங்கமாகவே இருப்பதாக அவர் கருதுகிறார்.

இந்தக் கோவிலில் நாள்தோறும் சிலைக்குப் புதிய புடவைகள் அணிவிக்கப்பட்டு, வீட்டில் சமைக்கப்படும் உணவு முதலில் அவருக்குப் படைக்கப்படுகிறது. குடும்பத்தின் எந்தவொரு சுப காரியமும் இவரது ஆசி பெற்றே தொடங்குகிறது. தாயின் பிரிவால் வாடிய மகன்களின் ஆசைக்காகவும், மனைவியின் மீதான மாறாத அன்பிற்காகவும் நாராயண் சிங் இந்த முயற்சியை எடுத்துள்ளார். தற்போது இந்த வினோதக் கோவில் அப்பகுதி மக்களிடையே பெரும் வியப்பை ஏற்படுத்தியுள்ளதுடன், காதலின் புனிதமான அடையாளமாகப் பார்க்கப்படுகிறது.