பிட்காயின் விலையில் ஏற்பட்டுள்ள திடீர் சரிவு கிரிப்டோகரன்சியில் அதிக முதலீடு செய்துள்ள முன்னணி நிறுவனங்களின் பங்குகளை கடுமையாக பாதித்துள்ளது. இந்த ஆண்டின் தொடக்கத்தில் உச்சத்தில் இருந்த பிட்காயின் மதிப்பு தற்போது 90,000 டாலருக்கும் கீழ் சரிந்துள்ளதால் சந்தையில் ஒருவித அச்சம் நிலவுகிறது. குறிப்பாக பிட்காயினை பெருமளவில் சேமித்து வைத்திருந்த ஸ்ட்ரேட்டஜி போன்ற நிறுவனங்களின் பங்கு மதிப்பு கடந்த ஆறு மாதங்களில் பாதியாக குறைந்துள்ளது. கடன்களை வாங்கி பிட்காயினில் முதலீடு செய்த நிறுவனங்கள் இப்போது நிதி நெருக்கடியைச் சந்தித்து வருகின்றன.

பொருளாதார வல்லுநர்களின் கூற்றுப்படி இந்த விலை சரிவு கிரிப்டோ சந்தையில் பெரும் மாற்றங்களை ஏற்படுத்தும். சில நிறுவனங்கள் தங்களின் கடன்களை அடைக்க பிட்காயின்களை விற்கத் தொடங்கியுள்ளன இது சந்தையின் வீழ்ச்சியை மேலும் அதிகப்படுத்துகிறது. எதிர்காலத்தில் நிறுவனங்கள் பிட்காயின் விலை உயர்வை மட்டுமே நம்பியிருக்காமல் மாற்று வருமான வழிகளை உருவாக்க வேண்டிய கட்டாயத்தில் உள்ளன. பிட்காயின் சந்தையில் நிலவும் இந்த ஏற்ற இறக்கங்கள் முதலீட்டாளர்களின் நம்பிக்கையை சோதிக்கும் வகையில் அமைந்துள்ளது.