உடல்நலக்குறைவு காரணமாக இந்திய அணியின் அதிரடி தொடக்க ஆட்டக்காரர் அபிஷேக் சர்மாவின் உடல் எடை கணிசமாக குறைந்துள்ளது. மருத்துவமனையிலிருந்து திரும்பிய பின்னரும் அவர் முழு உடல் தகுதியை எட்டவில்லை என்பது அர்ஷ்தீப் சிங்குடனான உரையாடல் வீடியோ மூலம் தெரியவந்துள்ளது.

பிப்ரவரி 15 அன்று பாகிஸ்தானுக்கு எதிரான முக்கியமான போட்டியில் அபிஷேக் விளையாடுவது குறித்து பெரும் நிச்சயமற்ற நிலை நிலவுகிறது. அவர் முழுமையாக குணமடைய இன்னும் சில போட்டிகள் ஆகலாம் என கேப்டன் சூர்யகுமார் யாதவ் தெரிவித்துள்ளார். பாகிஸ்தான் மோதலில் அவர் பங்கேற்பாரா என்பதில் தொடர்ந்து குழப்பம் நீடிக்கிறது.