திருப்பத்தூர் மாவட்ட அதிமுகவில் நிலவி வரும் கோஷ்டி பூசல் காரணமாக, முன்னாள் அமைச்சர் நிலோபர் கபில் அதிருப்தியில் இருப்பதாகத் தெரிகிறது. கட்சிக் கூட்டங்களில் தமக்கு உரிய அங்கீகாரம் வழங்கப்படாததால் அதிருப்தியடைந்துள்ள அவர், அதிமுகவிலிருந்து விலக முடிவெடுத்துள்ளதாகக் கூறப்படுகிறது. இது 2026 சட்டமன்றத் தேர்தலை முன்னிட்டு அதிமுகவின் வாக்கு வங்கியில் சரிவை ஏற்படுத்தக்கூடும் என அரசியல் வட்டாரங்களில் அஞ்சப்படுகிறது.

இந்தச் சூழலில், பிப்ரவரி 14-ஆம் தேதி ஜோலார்பேட்டையில் நடைபெறவுள்ள திமுக பயிற்சி முகாமில், முதலமைச்சர் மு.க.ஸ்டாலின் முன்னிலையில் நிலோபர் கபில் திமுகவில் இணைய உள்ளதாகத் தகவல் வெளியாகியுள்ளது. சிறுபான்மையின மக்களிடையே செல்வாக்கு மிக்க ஒரு முன்னாள் அமைச்சரே வெளியேறுவது அதிமுக தொண்டர்களிடையே பெரும் குழப்பத்தை ஏற்படுத்தியுள்ளது.