தமிழகத்தில் தனியார் கால்நடை மருத்துவக் கல்லூரிகளைத் தொடங்கும் அரசின் உத்தேச முடிவை எதிர்த்து அரசு கால்நடை மருத்துவக் கல்லூரி மாணவர்கள் மற்றும் பட்டதாரிகள் கூட்டமைப்பினர் மாநிலம் தழுவிய போராட்டங்களில் ஈடுபட்டுள்ளனர். இம்முடிவு கால்நடை மருத்துவக் கல்வியை வணிகமயமாக்கும் என்றும் தகுதியான பட்டதாரிகளின் வேலைவாய்ப்பைப் பாதிக்கும் என்றும் மாணவர்கள் கவலை தெரிவித்துள்ளனர். தற்போதைய அரசு கட்டமைப்பே போதுமானது என அவர்கள் வலியுறுத்தியுள்ளனர்.

இந்த விவகாரத்தில் தமிழக அரசை கடுமையாக விமர்சித்துள்ள எதிர்க்கட்சித் தலைவர் எடப்பாடி பழனிசாமி தனியார் கல்லூரிகளுக்கு அனுமதி அளிக்கும் முயற்சியை உடனடியாகக் கைவிட வேண்டும் என அறிக்கை வெளியிட்டுள்ளார். தேர்தல் நிதிக்காக இத்தகைய முடிவுகள் எடுக்கப்படுவதாகக் குற்றம் சாட்டிய அவர் இதற்குத் துணை போகும் அதிகாரிகள் மீது எதிர்காலத்தில் நடவடிக்கை எடுக்கப்படும் என எச்சரித்துள்ளார்.