முர்ஷிதாபாத் மாவட்டம் காந்தி பகுதியில் 45 வயது பெண்ணை பொதுமக்கள் முன்னிலையில் வெட்டிக்கொலை செய்த இளைஞரை காவல்துறை கைது செய்துள்ளது. உயிரிழந்த சுசித்ரா மிஸ்திரி என்பவருக்கும் பிந்து மண்டல் என்பவரின் தந்தைக்கும் இடையே இருந்த தகாத உறவு காரணமாக இரு குடும்பத்தினரிடையே மோதல் நிலவி வந்தது.

புதன்கிழமை ஏற்பட்ட வாக்குவாதத்தைத் தொடர்ந்து, வியாழக்கிழமை வேலை முடிந்து வீடு திரும்பிய சுசித்ராவை பிந்து கூர்மையான ஆயுதங்களால் தாக்கினார். மருத்துவமனைக்கு கொண்டு செல்லும் வழியிலேயே அவர் உயிரிழந்தார். இச்சம்பவம் குறித்து காந்தி போலீசார் வழக்குப்பதிவு செய்து விசாரணை நடத்தி வருகின்றனர்.