ஒவ்வொரு ஆண்டும் பிப்ரவரி 13 அன்று உலக வானொலி தினம் கொண்டாடப்படுகிறது. 1946 இல் ஐநா வானொலி தொடங்கப்பட்டதை முன்னிட்டு, 2011 இல் யுனெஸ்கோ இந்நாளை அறிவித்தது. இந்தியாவில் 20 ஆம் நூற்றாண்டின் தொடக்கத்தில் அறிமுகமான வானொலி, இன்றும் தகவல் பரிமாற்றத்திலும் பொதுமக்களிடையே விழிப்புணர்வை ஏற்படுத்துவதிலும் மிக முக்கியப் பங்கு வகிக்கிறது.

தொலைக்காட்சி மற்றும் ஸ்மார்ட்போன்களின் வருகைக்குப் பிறகும், நம்பகமான ஊடகமாக வானொலி இன்றும் நிலைத்திருக்கிறது. குறிப்பாக அவசர காலங்கள் மற்றும் காலநிலை மாற்றங்கள் குறித்த விழிப்புணர்வை மக்களிடம் கொண்டு சேர்ப்பதில் வானொலியின் சேவை அளப்பரியது.