மத்திய கிழக்கு நாடுகளில் நிலவும் போர் சூழலால் தமிழகத்தில் சமையல் எரிவாயு சிலிண்டர் விநியோகம் கடுமையாக பாதிக்கப்பட்டுள்ளது. சென்னை மணலியில் வணிக பயன்பாட்டு சிலிண்டர் விநியோகம் நிறுத்தப்பட்டதோடு, வீட்டு உபயோக சிலிண்டர் சப்ளை பாதியாக குறைக்கப்பட்டுள்ளது. இதனால் பெங்களூரு மற்றும் தமிழகத்தில் உணவகங்கள் மூடப்படும் அபாயம் ஏற்பட்டுள்ளது மக்களிடையே பெரும் கவலையை ஏற்படுத்தியுள்ளது.

இந்த இக்கட்டான நிலையில், மத்திய மற்றும் மாநில அரசுகள் போர்க்கால அடிப்படையில் நடவடிக்கை எடுக்க வேண்டும் என எதிர்க்கட்சித் தலைவர் எடப்பாடி பழனிசாமி வலியுறுத்தியுள்ளார். ஏழை எளிய மக்கள் பாதிக்கப்படாமல் இருக்க அம்மா உணவகங்களை முழு வீச்சில் இயக்க வேண்டும் என்றும், எரிவாயு தட்டுப்பாட்டை போக்க உடனடி மாற்றுகளை உருவாக்க வேண்டும் என்றும் அவர் தனது கோரிக்கையில் குறிப்பிட்டுள்ளார்.