சத்தீஸ்கர் மாநிலம் ராய்ப்பூரில் போதைப்பொருள் விற்பனையில் ஈடுபட்ட இமான்ஷு பர்மன் என்ற காவலரை காவல்துறையினர் கைது செய்துள்ளனர். ரகசிய தகவலின் அடிப்படையில் நடத்தப்பட்ட சோதனையில் அவர் ஹெராயின் விற்க முயன்றபோது பிடிபட்டார். இதுகுறித்து ராய்ப்பூர் டிசிபி சந்தீப் படேல் கூறுகையில் கைதான காவலரிடம் தீவிர விசாரணை நடத்தப்பட்டு வருவதாகத் தெரிவித்தார்.

இந்த சட்டவிரோத போதைப்பொருள் கும்பலில் தொடர்புடைய மற்ற நபர்களை தேடும் பணியில் தனிப்படை போலீசார் ஈடுபட்டுள்ளனர். காவல்துறை சீருடையில் இருந்துகொண்டு இத்தகைய குற்றத்தில் ஈடுபட்டது பெரும் பரபரப்பை ஏற்படுத்தியுள்ளது. இந்த வழக்கின் பின்னணியில் உள்ள முக்கிய நபர்களை கண்டறிய விசாரணைகள் முடுக்கி விடப்பட்டுள்ளன.