முன்னணி ஐடி நிறுவனமான ஐபிஎம் (IBM) தற்போது அசோசியேட் சிஸ்டம் இன்ஜினியர் பணிக்கான புதிய அறிவிப்பை வெளியிட்டுள்ளது. 2024 அல்லது 2025 ஆம் ஆண்டில் பிஇ அல்லது பிடெக் முடித்த அனுபவம் இல்லாத இளைஞர்கள் இதற்கு விண்ணப்பிக்கலாம். விண்ணப்பதாரர்கள் 60 சதவீத மதிப்பெண்களுடன் ஜாவா மற்றும் பைத்தான் போன்ற புரோகிராமிங் மொழிகளில் அடிப்படை அறிவு பெற்றிருக்க வேண்டும்.

தேர்வாகும் நபர்கள் சென்னை, கோவை மற்றும் பெங்களூர் உள்ளிட்ட இந்தியாவின் 18 முக்கிய நகரங்களில் பணியமர்த்தப்படுவார்கள். நேர்காணல் மூலம் தகுதியானவர்கள் தேர்ந்தெடுக்கப்பட்டு அவர்களின் திறமைக்கேற்ப சம்பளம் நிர்ணயம் செய்யப்படும். முன்னனுபவம் தேவையில்லை என்பதால் தகுதியுள்ள பட்டதாரிகள் ஐபிஎம் அதிகாரப்பூர்வ இணையதளம் வாயிலாக உடனடியாக விண்ணப்பிக்குமாறு கேட்டுக்கொள்ளப்படுகிறார்கள்.