சந்தையில் போலி ஸ்மார்ட்போன்களின் விற்பனை அதிகரித்துள்ளதால் அரசு எச்சரிக்கை விடுத்துள்ளது. பிரபல பிராண்டுகளின் பெயரில் அச்சு அசலாக இருக்கும் போலி போன்களை ஏமாற்றி விற்கின்றனர். இதைத் தவிர்க்க, உங்கள் மொபைலின் ஐஎம்இஐ (IMEI) எண்ணைச் சரிபார்ப்பது மிகவும் அவசியமாகும்.

உங்கள் போனில் *#06# என டயல் செய்து ஐஎம்இஐ எண்ணைப் பெற்று, அதை அரசு இணையதளத்தில் சரிபார்க்கவும். விவரங்கள் பொருந்தவில்லை எனில் அது போலி போன் ஆகும். எப்போதும் அங்கீகரிக்கப்பட்ட கடைகளில் முறையான ரசீதுடன் போன்களை வாங்குமாறு அதிகாரிகள் அறிவுறுத்துகின்றனர்.