இந்தூர் எம்ஜி ரோடு பகுதியில் திருமண நாளன்று மணப்பெண் அழகு நிலையத்திற்கு சென்றுவிட்டு தனது காதலனுடன் ஓட்டம் பிடித்த சம்பவம் பெரும் பரபரப்பை ஏற்படுத்தியுள்ளது. அன்றைய தினம் மதியம் நிச்சயதார்த்தம் முடிந்த நிலையில், இரவு திருமணத்திற்காக மணமகன் வீட்டார் உஜ்ஜயினிலிருந்து ஊர்வலமாக வந்தனர். ஆனால் மணப்பெண் மேக்கப் செய்ய சென்ற இடத்திலிருந்து திரும்பாததால் திருமண ஏற்பாடுகள் அனைத்தும் பாதியிலேயே நின்றன.

இதனால் அதிர்ச்சியடைந்த மணமகன் காவல் நிலையத்திற்குச் சென்று, தான் அவமானப்பட்டுவிட்டதாகவும் அங்கிருக்கும் ஏதாவது ஒரு பெண்ணை தனக்கு திருமணம் செய்து வைக்குமாறும் பிடிவாதம் பிடித்தார். மணப்பெண் வீட்டார் உண்மையை ஒப்புக்கொண்டதை அடுத்து இரு தரப்பிற்கும் இடையே வாக்குவாதம் ஏற்பட்டது. இறுதியில் போலீசார் மணமகனை சமாதானப்படுத்தியதைத் தொடர்ந்து, திருமண கோலத்தில் வந்த ஊர்வலம் மணப்பெண் இன்றி வெறுங்கையுடன் ஊர் திரும்பியது.