డిఫెన్స్ రీసెర్చ్ అండ్ డెవలప్‌మెంట్ ఆర్గనైజేషన్ (DRDO) పరిధిలోని పర్సనల్ టాలెంట్ మేనేజ్‌మెంట్ సెంటర్ (CEPTAM) మొత్తం 764 పోస్టుల భర్తీకి బంపర్ నోటిఫికేషన్‌ను విడుదల చేసింది. ఈ రిక్రూట్‌మెంట్ ద్వారా సీనియర్ టెక్నికల్ అసిస్టెంట్-బి (STA-B) విభాగంలో 561 పోస్టులు, టెక్నీషియన్-ఏ (Tech-A) విభాగంలో 203 పోస్టులు భర్తీ చేయబడతాయి. 18 నుంచి 28 సంవత్సరాల వయస్సు గల సాంకేతిక రంగంలో పనిచేయాలనుకునే యువతకు ఇది ఒక గొప్ప అవకాశం.

ఆసక్తి ఉన్న అభ్యర్థులు DRDO అధికారిక వెబ్‌సైట్ drdo.gov.in ద్వారా ఆన్‌లైన్‌లో దరఖాస్తు చేసుకోవచ్చు. దరఖాస్తు ప్రక్రియ డిసెంబర్ 9, 2025 నుండి ప్రారంభం కావచ్చని తెలుస్తోంది. ఈ ప్రకటన కేవలం సూచిక మాత్రమే కాబట్టి, దరఖాస్తు చేసుకునే ముందు అభ్యర్థులు తప్పనిసరిగా పూర్తి వివరాలతో కూడిన నోటిఫికేషన్‌ను జాగ్రత్తగా చదవాలని సంస్థ సలహా ఇచ్చింది.