టేస్ట్ అట్లాస్ విడుదల చేసిన ప్రపంచంలోని టాప్ 100 ఐస్‌క్రీమ్‌ల జాబితాలో, భారతదేశానికి చెందిన మూడు దేశీ ఐస్‌క్రీమ్ రుచులు వరుసగా రెండోసారి చోటు దక్కించుకున్నాయి. ఈ గౌరవం కేవలం రుచికి సంబంధించినది కాదు, భారతదేశపు గొప్ప ఆహార సంస్కృతిని ప్రపంచ వేదికపై ప్రదర్శించే గర్వించదగిన క్షణం. ముంబైకి చెందిన ప్రసిద్ధ ‘కే రుస్తం & కంపెనీ’ వారి మ్యాంగో శాండ్‌విచ్ 22వ స్థానంలో, మంగళూరులోని పబ్బా రెస్టారెంట్ వారి ప్రసిద్ధ గడ్‌బడ్ ఐస్‌క్రీమ్ 33వ స్థానంలో, మరియు ముంబైకి చెందిన టెండర్ కోకోనట్ ఐస్‌క్రీమ్ 40వ స్థానంలో నిలిచాయి.