కర్ణాటక ప్రభుత్వ శాఖల్లో బదిలీల కోసం సాగుతున్న అవినీతి నెట్‌వర్క్‌పై ముఖ్యమంత్రి సిద్ధరామయ్య తీవ్ర ఆవేదన వ్యక్తం చేశారు. రాష్ట్రంలో ‘ట్రాన్స్‌ఫర్ రాజ్’ వ్యవస్థ విస్తరించిందని, ఉన్నతాధికారులు సైతం లంచాలు డిమాండ్ చేస్తున్నారని ఆయన బహిరంగంగా అంగీకరించారు. ఆరోగ్య శాఖ కార్యక్రమంలో మాట్లాడుతూ ఈ బదిలీల దందాపై ఆయన అధికారులను మరియు మధ్యవర్తులను హెచ్చరించారు.

ఉద్యోగులు తమ పోస్టింగ్‌ల కోసం ఎవరికీ లంచాలు ఇవ్వకూడదని, రాజకీయ నేతల అనుచరులను నమ్మవద్దని ముఖ్యమంత్రి సూచించారు. అక్రమాలకు తావులేకుండా కేవలం కౌన్సెలింగ్ విధానం ద్వారానే బదిలీలు చేపడతామని ఆయన స్పష్టం చేశారు. మధ్యవర్తులను ఆశ్రయిస్తే అటు ఏజెంట్లకు ఇటు అధికారులకు డబ్బులు చెల్లించాల్సి వస్తుందని ఆయన ఉద్యోగులను అప్రమత్తం చేశారు.