జపాన్‌లోని ఒసాకా నగర నీటి సరఫరా మరియు మురుగునీటి వ్యవస్థను ఆధునీకరించేందుకు ఒక అజ్ఞాత దాత ఏకంగా 21 కేజీల బంగారాన్ని విరాళంగా ఇచ్చారు. సుమారు 33 కోట్ల రూపాయల విలువైన ఈ బంగారాన్ని నగరం ఎదుర్కొంటున్న పైపులైన్ల లీకేజీ సమస్యలను పరిష్కరించేందుకు మరియు పాత మౌలిక సదుపాయాలను బాగు చేసేందుకు ఉపయోగించనున్నారు.

సుమారు 60 ఏళ్ల క్రితం నిర్మించిన ఈ వ్యవస్థ ప్రస్తుతం శిథిలావస్థకు చేరడంతో 2024లోనే వందకు పైగా ఫిర్యాదులు అందాయి. 30 లక్షల జనాభా ఉన్న ఈ నగర క్షేమం కోసం ఆ దాత చూపిన దాతృత్వంపై సర్వత్రా ప్రశంసలు వ్యక్తమవుతున్నాయి.