మద్యం సేవించడం వల్ల బరువు పెరుగుతారని అందరూ భావిస్తారు, కానీ ఇంగ్లాండ్ శాస్త్రవేత్తలు ఇటీవల నిర్వహించిన పరిశోధనలో ఆసక్తికర విషయాలు వెలుగులోకి వచ్చాయి. సుమారు 2,000 మందిపై చేసిన ఈ అధ్యయనంలో, రెడ్ మరియు వైట్ వైన్ తీసుకోవడం వల్ల శరీరంలోని అంతర్గత అవయవాల చుట్టూ పేరుకుపోయే ‘విసెల్ ఫ్యాట్’ తగ్గుతుందని తేలింది. కాలేయం, ప్యాంక్రియాస్ వంటి భాగాల వద్ద ఉండే ఈ మొండి కొవ్వును తగ్గించడంలో వైన్ ప్రభావవంతంగా పనిచేస్తుందని పరిశోధకులు గుర్తించారు.

అయితే, ఈ ప్రయోజనం కేవలం వైన్‌కు మాత్రమే పరిమితమని వారు స్పష్టం చేశారు. బీర్, వోడ్కా లేదా విస్కీ వంటి ఇతర పానీయాలు శరీరంలో కొవ్వును మరింత పెంచుతాయని పరిశోధనలో వెల్లడైంది. చర్మం కింద ఉండే కొవ్వు కంటే భిన్నమైన ఈ అంతర్గత కొవ్వును తగ్గించుకోవడానికి వైన్ ఉపయోగపడినప్పటికీ, ఆరోగ్య సూత్రాలను పాటిస్తూ పరిమితంగా తీసుకోవడం శ్రేయస్కరమని నిపుణులు సూచిస్తున్నారు.