ధూమపానం కేవలం క్యాన్సర్ లేదా గుండె జబ్బులకే పరిమితం కాకుండా, పురుషుల సంతానోత్పత్తి సామర్థ్యాన్ని కూడా దెబ్బతీస్తోంది. యూరోపియన్ యూరాలజీ నిర్వహించిన పరిశోధనలో 5000 మంది పురుషులను పరిశీలించగా, ధూమపానం వల్ల శుక్రకణాల సంఖ్య మరియు నాణ్యత గణనీయంగా తగ్గుతున్నట్లు తేలింది. పొగాకులోని విషతుల్యాలు శుక్రకణాల కదలికలను నెమ్మదింపజేసి, సంతానలేమికి ప్రధాన కారణమవుతున్నాయి.

వైద్య నిపుణుల అభిప్రాయం ప్రకారం, సిగరెట్లు మాత్రమే కాకుండా జర్దా, ఖైనీ వంటి పొగాకు ఉత్పత్తులు కూడా సమానంగా హాని చేస్తాయి. ఇది పురుషులకే కాకుండా, పరోక్ష ధూమపానం ద్వారా మహిళల అండాల ఆరోగ్యంపై కూడా ప్రభావం చూపుతుంది. ఇప్పటికే సంతానలేమి సమస్యలతో బాధపడుతున్న వారు ధూమపానానికి దూరంగా ఉండటం ఎంతో శ్రేయస్కరమని వైద్యులు సూచిస్తున్నారు.