ప్రస్తుతం జరుగుతున్న విజయ్ హజారే ట్రోఫీలో సర్ఫరాజ్ ఖాన్ మరియు ధ్రువ్ జురెల్ వంటి ఆటగాళ్లు అద్భుత ఫామ్‌తో దూసుకుపోతున్నారు. న్యూజిలాండ్‌తో జరగనున్న వన్డే సిరీస్‌కు సీనియర్లకు విశ్రాంతి ఇచ్చి, ఈ మెగా టోర్నీలో రాణిస్తున్న ఐదుగురు యువ ఆటగాళ్లకు అవకాశం ఇవ్వాలని బీసీసీఐ యోచిస్తోంది. 2026 టీ20 ప్రపంచకప్‌ను దృష్టిలో ఉంచుకుని సెలక్టర్లు వీరి ప్రదర్శనపై ఒక కన్నేసి ఉంచారు.

ముంబై తరపున సర్ఫరాజ్ ఖాన్ 157 పరుగులతో విరుచుకుపడగా, యూపీ బ్యాటర్ ధ్రువ్ జురెల్ మూడు మ్యాచ్‌ల్లోనే 307 పరుగులు సాధించారు. బౌలింగ్‌లో జీషన్ అన్సారీ, రామకృష్ణన్ ఘోష్ వికెట్లతో చెలరేగిపోతుండగా, అమన్ మొఖాడే అత్యధిక పరుగులతో టాప్‌లో నిలిచారు. ఈ ఐదుగురు ఆటగాళ్లు తమ అసాధారణ ప్రతిభతో త్వరలోనే భారత జట్టులో స్థానం సంపాదించే అవకాశం మెండుగా కనిపిస్తోంది.