నూతన సంవత్సరం 2026 సందర్భంగా బ్రిటిష్ రాజు కింగ్ చార్లెస్ III ప్రకటించిన ప్రతిష్టాత్మక గౌరవ జాబితాలో పలువురు భారత సంతతి వ్యక్తులు చోటు దక్కించుకున్నారు. ప్రముఖ నటి, రచయిత్రి మీరా స్యాల్‌తో పాటు వైద్య రంగంలో విశేష సేవలందించిన ప్రొఫెసర్ మీనా ఉపాధ్యాయ ఈ గౌరవాన్ని అందుకోనున్నారు. ఫ్యాషన్ రంగంలో గుర్తింపు పొందిన మణి కోహ్లీ కూడా ఈ ప్రతిష్టాత్మక జాబితాలో నిలిచారు.

మొత్తం 1,157 మందితో కూడిన ఈ జాబితాలో సామాజిక సేవా రంగం నుండి పవన్ పోపట్, ధృవ్ పటేల్ మరియు నీతా అత్కర్ వంటి ప్రముఖులు ఉన్నారు. కళాకారులు హర్జిందర్ సింగ్, బల్బీర్ సింగ్‌లను కూడా కింగ్ చార్లెస్ సత్కరించనున్నారు. ఈ జాబితాలో సుమారు 14 శాతం మంది మైనారిటీలు ఉండగా, బ్రిటన్ అభివృద్ధిలో భారతీయుల కృషిని ఈ గుర్తింపు మరోసారి చాటిచెప్పింది.