బాలీవుడ్ దిగ్గజం రాజ్ కపూర్ తన పెద్ద కుమార్తె రీతూ నందా వివాహాన్ని అత్యంత వైభవంగా నిర్వహించారు. ఏడు రోజుల పాటు జరిగిన ఈ వేడుకకు దేశంలోని ప్రముఖ రాజకీయ నాయకులు, వ్యాపారవేత్తలు మరియు సినీ ప్రముఖులు హాజరయ్యారు. అతిథుల కోసం తన ఇంటికి వెళ్లే దెబ్బతిన్న రోడ్డును కూడా ఆయన స్వయంగా మరమ్మతు చేయించారు. ఈ పెళ్లి వేడుక అంతటినీ ఆయన రికార్డ్ చేయించారు.

తన దర్శకత్వంలో వచ్చిన సూపర్ హిట్ చిత్రం ‘ప్రేమ్ రోగ్’లో రీతూ పెళ్లికి సంబంధించిన అసలు దృశ్యాలను రాజ్ కపూర్ ఉపయోగించారు. ముఖ్యంగా పెళ్లి వేడుకలో జరిగిన అద్భుతమైన బాణసంచా కాల్పుల దృశ్యాన్ని ఆయన ఈ సినిమాలో చేర్చారు. రిషి కపూర్ హీరోగా నటించిన ఈ చిత్రం భారీ విజయాన్ని సాధించడమే కాకుండా, రాజ్ కపూర్ సృజనాత్మకతకు అద్దం పట్టింది.