అమెరికాలోని సౌత్ కరోలినాలో సుమారు వందేళ్ల క్రితం జరిగిన ఒక వింత ఘటన ఇప్పటికీ అందరినీ ఆశ్చర్యపరుస్తుంది. 1915లో ఎస్సీ డన్బార్ అనే మహిళ మరణించినట్లు వైద్యులు ధృవీకరించడంతో ఆమెకు అంత్యక్రియలు నిర్వహించి సమాధి చేశారు. అయితే ఆమె సోదరి ఆలస్యంగా రావడంతో, తన సోదరిని చివరిసారి చూడాలని పట్టుబట్టి సమాధిని తవ్వించి శవపేటికను బయటకు తీయించింది.

శవపేటిక మూత తీయగానే అక్కడ ఉన్నవారంతా భయంతో వణికిపోయారు. చనిపోయిందనుకున్న ఎస్సీ డన్బార్ అకస్మాత్తుగా లేచి కూర్చుని తన సోదరిని చూసి నవ్వింది. వైద్యుల పొరపాటు వల్ల సజీవ సమాధి అయిన ఆమె, ఆ తర్వాత మరో 47 ఏళ్ల పాటు ఆరోగ్యంగా జీవించింది. చివరకు 1962లో తన 77వ ఏట ఆమె రెండోసారి మరణించింది, ఈ అరుదైన ఘటన అప్పట్లో సంచలనం సృష్టించింది.