మహారాష్ట్రలోని ధూలే జిల్లా మోహాడీలో 75 ఏళ్ల లీలాబాయి సూర్యవంశీ అనే వృద్ధురాలు తన ఇంట్లోనే దారుణంగా హత్యకు గురయ్యారు. సోమవారం ఉదయం ఆమె రక్తపు మడుగులో పడి ఉండటం స్థానికంగా కలకలం రేపింది. దొంగతనం చేసే క్రమంలోనే ఈ ఘాతుకం జరిగినట్లు పోలీసులు గుర్తించారు.

ఘటనా స్థలంలో దొరికిన ఒక చేతి గడియారం ఆధారంగా సాగర్ రాజు కోలి అనే నిందితుడిని పోలీసులు 24 గంటల్లో అరెస్ట్ చేశారు. సిలిండర్ దొంగిలిస్తుండగా వృద్ధురాలు మేల్కోవడంతో, ఆమెపై దాడి చేసి చంపినట్లు నిందితుడు విచారణలో అంగీకరించాడు.