యువ భారతి క్రీడాంగణంలో జరిగిన గొడవకు సంబంధించి బిధానగర్ సౌత్ పోలీసులు మరో వ్యక్తిని అరెస్ట్ చేశారు. ధాపాకు చెందిన రూపక్ మండల్‌ను పోలీసులు అదుపులోకి తీసుకోవడంతో ఈ కేసులో మొత్తం అరెస్టుల సంఖ్య ఆరుకు చేరుకుంది. ఈ ఘటనలో అంతకుముందే ఐదుగురిని పోలీసులు అరెస్ట్ చేసిన సంగతి తెలిసిందే.

ఈ కేసులో అరెస్టుల సంఖ్య మరింత పెరిగే అవకాశం ఉందని పోలీస్ అధికారి తెలిపారు. ప్రస్తుతం సీసీటీవీ ఫుటేజీతో పాటు సోషల్ మీడియాలో వైరల్ అవుతున్న వీడియోలను పోలీసులు క్షుణ్ణంగా పరిశీలిస్తున్నారు. అల్లర్లకు పాల్పడిన ప్రతి ఒక్కరిని గుర్తించేందుకు దర్యాప్తును ముమ్మరం చేశారు.