జుట్టును అందంగా మార్చుకోవాలనే ప్రయత్నం ఒక 17 ఏళ్ల యువతి ప్రాణాల మీదకు తెచ్చింది. ఇజ్రాయెల్‌లో హెయిర్ స్ట్రెయిటెనింగ్ చేయించుకున్న తర్వాత ఒక యువతి తీవ్ర అస్వస్థతకు గురై ఆసుపత్రిలో చేరగా, ఆమె కిడ్నీలు దెబ్బతిన్నట్లు వైద్యులు గుర్తించారు. ఈ చికిత్సలో వాడే ప్రమాదకర రసాయనాల వల్ల కిడ్నీ ఫెయిల్యూర్ సంభవించినట్లు షారే జెడెక్ మెడికల్ సెంటర్ నివేదిక వెల్లడించింది.

పరిశోధనల ప్రకారం హెయిర్ ప్రోడక్ట్స్‌లో ఉండే ‘గ్లైఆక్సిలిక్ యాసిడ్’ అనే రసాయనం శరీరంలోకి ప్రవేశించి కిడ్నీలపై తీవ్ర ప్రభావం చూపుతోంది. ఈ ప్రమాదం నుండి తప్పించుకోవడానికి రసాయన ఉత్పత్తులను నేరుగా స్కాల్ప్‌కు తగలకుండా చూసుకోవాలని నిపుణులు సూచిస్తున్నారు. జుట్టు చికిత్సల సమయంలో జాగ్రత్తలు పాటించకపోతే ఇవి దీర్ఘకాలిక ఆరోగ్య సమస్యలకు దారితీస్తాయని వైద్యులు హెచ్చరిస్తున్నారు.