గుజరాత్‌లోని అహ్మదాబాద్‌లో ఉల్లిపాయలు మరియు వెల్లుల్లి తినడంపై తలెత్తిన వివాదం కారణంగా ఒక జంట తమ 23 ఏళ్ల వైవాహిక బంధానికి స్వస్తి పలికారు. భర్త కుటుంబం ఉల్లిపాయలు తింటుంటే, భార్య ‘స్వామినారాయణ’ సంప్రదాయాన్ని అనుసరిస్తూ వాటిని నిరాకరించేవారు. 2002లో పెళ్లయినప్పటి నుండి ఈ ఆహారపు అలవాట్లపై ఇద్దరి మధ్య గొడవలు జరుగుతూనే ఉన్నాయి. కోర్టు ఆదేశాల మేరకు అత్తగారు విడివిడిగా వంట చేసినప్పటికీ సమస్య సర్దుమణగలేదు.

ఫ్యామిలీ కోర్టు మంజూరు చేసిన విడాకుల తీర్పును సవాలు చేస్తూ భార్య గుజరాత్ హైకోర్టును ఆశ్రయించారు. అయితే విచారణలో ఆమె విడాకులపై అభ్యంతరం వ్యక్తం చేయకుండా కేవలం భరణంపైనే ఆసక్తి చూపారు. దీనితో హైకోర్టు కింది కోర్టు తీర్పును సమర్థిస్తూ విడాకులను ఖరారు చేసింది. మతపరమైన ఆచారాలు మరియు ఆహార ప్రాధాన్యతలే ఈ సుదీర్ఘ బంధం విడిపోవడానికి ప్రధాన కారణమయ్యాయి.