ఉత్తరప్రదేశ్‌లోని జౌన్‌పూర్ జిల్లాలో ఇద్దరు సాధువులను యువకులు దారుణంగా కొడుతున్న దృశ్యాలున్న వీడియో సోషల్ మీడియాలో కలకలం సృష్టించింది. ఒక బాలికను కిడ్నాప్ చేయాలని ప్రయత్నించారనే ఆరోపణల నేపథ్యంలో స్థానికులు వారిపై దాడి చేశారు. దీంతో ఆగ్రహించిన యువకులు ఆ సాధువులను వీధుల్లో వెంటాడి తీవ్రంగా కొట్టారు.

ఈ దాడి సమయంలో, యువకులు సాధువులను హనుమాన్ చాలీసా మరియు గాయత్రీ మంత్రాన్ని చదవమని బలవంతం చేశారు. దెబ్బలకు తాళలేక ఒక సాధువు కాలువలో పడిపోయారు. ఈ ఘటనపై జౌన్‌పూర్ పోలీసులు తక్షణమే స్పందించారు. పోలీసులు కేసు నమోదు చేసి, ఈ దాడిలో పాల్గొన్న నలుగురిని అదుపులోకి తీసుకుని విచారణ చేపట్టారు.