ప్రధాని నరేంద్ర మోదీ ఫిబ్రవరి 25-26 తేదీల్లో ఇజ్రాయెల్ పర్యటన చేపట్టనున్నారు. ఈ పర్యటనలో దాదాపు 8.6 బిలియన్ డాలర్ల భారీ రక్షణ ఒప్పందాలు జరిగే అవకాశం ఉంది. ప్రధానంగా నిరంతరం 45 గంటల పాటు ప్రయాణించగల ‘హెరాన్ MK-2’ డ్రోన్ల కొనుగోలుపై అందరి దృష్టి నెలకొంది. ఈ అత్యాధునిక డ్రోన్లు శత్రువుల రాడార్లకు చిక్కకుండా ఖచ్చితమైన లక్ష్యాలను ఛేదించగలవు.

మారుతున్న యుద్ధతంత్రంలో డ్రోన్లు కీలక పాత్ర పోషిస్తున్నాయి. ప్రాణనష్టం లేకుండా శత్రువులపై విరుచుకుపడే ఈ సాంకేతికతను ‘మేక్ ఇన్ ఇండియా’ కింద భారత్‌లోనే తయారు చేసేలా ఒప్పందాలు ఉండవచ్చు. రష్యా-ఉక్రెయిన్ యుద్ధం నేపథ్యంలో, డ్రోన్ల ప్రాముఖ్యత పెరగడంతో భారత్ తన రక్షణ వ్యవస్థను మరింత బలోపేతం చేసుకోవాలని భావిస్తోంది. ఈ పర్యటన ఇరు దేశాల మధ్య వ్యూహాత్మక బంధాన్ని మరో స్థాయికి తీసుకెళ్లనుంది.