ఉద్యోగుల జీతం నుండి పీఎఫ్ కట్ అయినప్పటికీ, అది సకాలంలో ఇపిఎఫ్ఓ ఖాతాలో జమ అవుతుందో లేదో చూసుకోవడం చాలా ముఖ్యం. నిబంధనల ప్రకారం, ప్రతి నెలా 15వ తేదీలోపు కంపెనీలు ఈ మొత్తాన్ని జమ చేయాలి. ప్రస్తుతం ప్రభుత్వం ఈ నిల్వలపై 8.25 శాతం వార్షిక వడ్డీని అందిస్తోంది. ఒకవేళ నెలలో 20 నుండి 25వ తేదీ వరకు కూడా మీ పాస్‌బుక్‌లో బ్యాలెన్స్ అప్‌డేట్ కాకపోతే, వెంటనే అప్రమత్తం కావాల్సిన అవసరం ఉంది.

మీ పీఎఫ్ బ్యాలెన్స్‌ను ఉమంగ్ యాప్ లేదా ఇపిఎఫ్ఓ పోర్టల్ ద్వారా నిమిషాల్లో తెలుసుకోవచ్చు. ఇంటర్నెట్ లేకపోయినా, మీ రిజిస్టర్డ్ మొబైల్ నుండి 7738299899 నంబర్‌కు మిస్డ్ కాల్ లేదా ఎస్ఎంఎస్ పంపి వివరాలు పొందవచ్చు. ఈ సదుపాయం ద్వారా మోసాలకు అడ్డుకట్ట వేసి మీ ఆర్థిక భద్రతను కాపాడుకోవచ్చు. ఇందుకోసం మీ యూఏఎన్ (UAN) నంబర్ యాక్టివేట్ అయి ఉండటం తప్పనిసరి.