ఉత్తరప్రదేశ్ లోని బరేలీలో ఒక యువతి తన బావపై తీవ్రమైన వేధింపుల ఆరోపణలు చేస్తూ పోలీసులను ఆశ్రయించింది. తన బావ గత కొంతకాలంగా వాట్సాప్‌లో అసభ్యకరమైన సందేశాలు పంపుతూ తనను వేధిస్తున్నాడని ఆ యువతి ఫిర్యాదులో పేర్కొంది. తాను అతడి ప్రవర్తనను వ్యతిరేకించడంతో, తన ఫోటోలను అసభ్యంగా ఎడిట్ చేసి తన తండ్రి ఫోన్‌కు పంపాడని, సమాజంలో పరువు తీస్తానని బెదిరించాడని ఆమె ఆవేదన వ్యక్తం చేసింది.

మరదలు వేరే ఎవరినైనా పెళ్లి చేసుకుంటే జీవితం నాశనం చేస్తానని సదరు వ్యక్తి హెచ్చరించాడు. అంతేకాకుండా, అదనపు కట్నం కింద 50 వేల రూపాయలు ఇవ్వాలని ఆ యువతి కుటుంబాన్ని వేధించడమే కాకుండా, తన సోదరిపై కూడా దాడి చేశాడని ఫిర్యాదులో వెల్లడించింది. సుభాష్ నగర్ పోలీసులు ఈ ఘటనపై ఎఫ్ఐఆర్ నమోదు చేసి దర్యాప్తు ప్రారంభించారు. నిందితుడి మొబైల్ చాట్స్ మరియు ఇతర ఆధారాలను సేకరించి కఠిన చర్యలు తీసుకుంటామని పోలీసులు తెలిపారు.