భారత్ పొరుగు దేశమైన మయన్మార్‌లో ఐదేళ్ల సుదీర్ఘ విరామం తర్వాత సాధారణ ఎన్నికలు జరగనున్నాయి. సైనిక పాలనలో ఉన్న ఈ దేశంలో మళ్లీ ప్రజాస్వామ్యం పునరుద్ధరించబడుతుందా లేదా ఇది కేవలం తూతూమంత్రంగా సాగుతుందా అన్న చర్చ జోరుగా సాగుతోంది. ఈ ఎన్నికలు దేశంలో శాంతిని నెలకొల్పుతాయని అక్కడి ప్రజలు ఆశగా ఎదురుచూస్తున్నారు.

మొత్తం మూడు దశల్లో ఈ ఎన్నికల ప్రక్రియ కొనసాగనుంది. రాబోయే ఆదివారం మొదటి దశ పోలింగ్ జరగనుండగా రెండో దశ జనవరి 11న మరియు చివరి దశ జనవరి 25న నిర్వహించనున్నారు. ఈ ఎన్నికల ద్వారా మయన్మార్ రాజకీయ భవిష్యత్తు ఏ మలుపు తిరుగుతుందో అని అంతర్జాతీయ సమాజం ఆసక్తిగా గమనిస్తోంది.