న్యూస్ డెస్క్: ప్రభుత్వ మెడికల్ కాలేజీలతో పోలిస్తే ప్రైవేట్ సంస్థల్లో ఎంబీబీఎస్ చదువు ఖర్చు 200 రెట్లు పెరగడం మధ్యతరగతి విద్యార్థుల భవిష్యత్తును ప్రశ్నార్థకం చేస్తోంది. ప్రభుత్వ కాలేజీల్లో ఐదున్నర ఏళ్ల కోర్సు కేవలం 55 వేల రూపాయలతో పూర్తవుతుంటే, ప్రైవేట్‌లో మేనేజ్‌మెంట్ కోటా కింద కోట్లాది రూపాయలు వసూలు చేస్తున్నారు. విద్యపై పెడుతున్న ఈ భారీ పెట్టుబడి భవిష్యత్తులో సామాన్యులకు వైద్య సేవలను మరింత దూరం చేసే అవకాశం ఉంది.

భారీ ఖర్చుతో చదువు పూర్తి చేసినా, తగిన వేతనంతో కూడిన ఉద్యోగాలు దొరకడం రాబోయే రోజుల్లో కష్టతరం కావచ్చని నిపుణులు హెచ్చరిస్తున్నారు. డిమాండ్ కంటే సరఫరా పెరిగిపోవడం వల్ల వైద్య వృత్తిలో ఉపాధి సంక్షోభం ఏర్పడే ప్రమాదం ఉంది. ప్రైవేట్ కాలేజీల ఇష్టారాజ్యంగా పెరుగుతున్న ఫీజులను నియంత్రించాల్సిన బాధ్యత ప్రభుత్వంపై ఎంతైనా ఉంది.