ప్రముఖ ఫ్రెంచ్ నటి మరియు గాయని బ్రిజిట్ బార్డో తన 91వ ఏట తుది శ్వాస విడిచారు. ఈ విషయాన్ని ఆమె ఫౌండేషన్ ఆదివారం ధృవీకరించింది, అయితే మరణానికి గల కారణాలు లేదా ప్రదేశాన్ని వెల్లడించలేదు. 1934లో పారిస్‌లో జన్మించిన బార్డో, 1956లో విడుదలైన ‘అండ్ గాడ్ క్రియేటెడ్ ఉమెన్’ చిత్రంతో అంతర్జాతీయ స్థాయిలో తిరుగులేని గుర్తింపు పొందారు.

దాదాపు 50 చిత్రాలలో నటించిన ఆమె, తర్వాతి కాలంలో నటనకు స్వస్తి చెప్పి జంతు హక్కుల పరిరక్షణ కోసం తన జీవితాన్ని అంకితం చేశారు. సినిమా ప్రపంచంలో తనదైన ముద్ర వేసిన బార్డో మరణం పట్ల పలువురు సినీ ప్రముఖులు సంతాపం వ్యక్తం చేస్తున్నారు. ఒక గొప్ప శకం ముగిసిందని ఆమె అభిమానులు ఆవేదన వ్యక్తం చేస్తున్నారు.