మధ్యప్రదేశ్ రాష్ట్రంలోని సిరోంజ్ పరిధిలో ఒక వింత ఘటన చోటుచేసుకుంది. గత మే 7న సుష్మా అనే యువతికి వివాహం జరగగా, ఆ పెళ్లిని జరిపించిన వినోద్ మహరాజ్ అనే పూజారితోనే ఆమె పారిపోయింది. పెళ్లి తర్వాత పుట్టింటికి వచ్చిన ఆమె, అదే గ్రామంలోని ఒక వివాహ వేడుకకు వచ్చిన సదరు పూజారితో కలిసి మాయమైంది. ఆ పూజారికి ఇప్పటికే వివాహమై ఇద్దరు పిల్లలు కూడా ఉండటం గమనార్హం.

పోలీసుల దర్యాప్తులో వీరిద్దరి మధ్య గత రెండేళ్లుగా ప్రేమ వ్యవహారం నడుస్తున్నట్లు తేలింది. పారిపోయే సమయంలో ఆ నవవధువు తన అత్తగారింటి నుండి తెచ్చిన రూ. 1.5 లక్షల విలువైన నగలు మరియు 30 వేల రూపాయల నగదును వెంట తీసుకెళ్లింది. ఈ ఘటన స్థానికంగా తీవ్ర చర్చనీయాంశమైంది. ప్రస్తుతం పోలీసులు కేసు నమోదు చేసుకుని పరారీలో ఉన్న వారి కోసం గాలిస్తున్నారు.